Бишкекте кыз ала качууга шектелип 31 жаштагы жаран кармалды
Бишкекте кыз ала качууга шектүү жаран кармалды. Бул тууралуу милициянын кайгуул кызматынан билдиришти.
Маалыматка ылайык, кечээ, 8-мартта болжол менен саат 19:50 чамасында “102” кызматына "Ак-Өргө жаңы конушунун Курманжан Датка көчөсүнөн кыз ала качып кетишти" деген маалымат келип түшкөн.
Бул факты Кылмыштардын жана жоруктардын бирдиктүү реестрине 175-берене "адамды никеге туруу максатында уурдоо" негизинде катталып, сотко чейинки өндүрүшкө алынган.
"Айтылган дарекке милициянын кайгуул кызматкерлери барганда 1996-жылы туулган С.А. аттуу кызды анын чала таанышы эркине каршы үйлөнүү максатында ала качып кеткендиги белгилүү болгон. Издөө иш-чараларынын натыйжасында, кылмыш изи сууй электе кылмышка шектүү катары 1990-жылы туулган Н.Р. аттуу жаран кармалып, Ленин РИИБинин тергөө кызматына өткөрүп берилди", - деп билдиришти кайгуул кызматынан.
