Бишкекте көзөмөл камералары ууруларды кармоого жардам берди (видео)
Бишкек шаарында батир уурулукка шектелген жарандар кармалышты. Рухий-Мурас конушундагы уурулуктун бети видеокөзөмөл камерасынын аркасында ачылган. Бул тууралуу Октябрь РИИБден билдиришти.
Окуя 15-ноябрга караган түнү Рухий-Мурас конушунда болгон. Уурулар үйдөгү видеокамераны жулуп, андан кийин планын ишке ашырган. Факты боюнча Жазык кодексинин 200-беренеси (уурдоо) менен кылмыш иши козголуп, шектүүлөр колго түшкөн. Алардын 1995, 1997, 1987-жылы туулган жарандар экени аныкталган. Алар мурда да оор кылмыш менен сот жоопкерчилигине тартылган. Шектүүлөрдү текшерүү учурунда 7 патрон (5,56 калибр, АКСУ), зер буюмдар жана видеокамера табылган. Унаасынан баңгизат салынган баштык да чыкты.
Тергөө учурунда башка дагы турак үйлөрдү тоногонун айтышкан. Тергөө, текшерүү иштери уланып жатат.Посмотреть эту публикацию в Instagram
