Бишкекте жаранды тоноп жаткан учур видеого түшүп калган
Ленин РИИБ тарабынан уурулукка шектүү кармалды. Бул тууралуу Ленин РИИБден билдиришти.
Милицияга жаран кайрылып, 16-майга караган түнү аны тоноп, телефонун жана 5 миң сомун тартып алып, качып кеткен жаранга чара көрүүнү суранган. Аталган факты боюнча тоноо беренеси менен кылмыш иши козголгон. Кылмышка шектелип, 2001-жылы туулган жаран кармалып, камакка алынды.
