Милициянын кайгуул кызматкерлери тарабынан унаа уурдоого шектүү жарандар кармалды. Бул тууралуу аталган кызматтан билдиришти. 26-ноябрда 1996-жылы туулган жаран милицияга арыз менен кайрылган. Анда ошол эле күнү болжол менен саат 19:30 чамасында Турусбеков көчөсүндө жайгашкан үйүнүн короосунда токтоп турган Toyota Voxy үлгүсүндөгү унааны белгисиз жарандар уурдап, белгисиз тарапка айдап кеткенин айткан. Бул боюнча Милициянын кайгуул кызматкерлери кармоо иш-чараларын жүргүзүп, кылмышка шектүү катары 1990, 1977-жылы туулган жарандарды аныктап, Ленин РИИБдин Тергөө кызматына жеткиришкен. Бул факты Кылмыштардын жана жоруктардын бирдиктүү реестрине катталып, Жазык кодексинин 206-берененин негизинде сотко чейинки өндүрүшкө алынды. [gallery link="file" columns="1" size="full" jnewsslider="true" ids="85753,85754,85755,85756"]