Бишкекте баңгизатты момпосуйдун таңгагына ороп сатып жүргөн шектүүлөр кармалды
Бишкекте баңгизат сатууга шектүүлөр кармалды. Бул тууралуу бүгүн, 22-августта Баңгизаттарды мыйзамсыз жүгүртүүгө каршы күрөшүү кызматы билдирди.
Баңгизат менен күрөшкөндөр баңги жана психотроптук заттарды таратуу менен алектенген Telegram-канал тууралуу маалымат алышкан. Социалдык тармактар аркылуу иш алып баруу учурунда милиция кызматкерлери тыюу салынган заттарды сатуу фактыларын тастыктаган далилдерди чогултушкан.
9-июль күнү кечинде 1998-жылы туулган жаран кармалган. Ал куратор болгон. Андан 9 момпосуй аныкталган, анын ичине афган чаарлары (гашиш) катылган. Мындан тышкары, кармалган адам баңгизат катылган жерлерди көрсөткөн.
20-август күнү 1997-жылы туулган жаран кармалды. Ал таңгакчы деп шектелүүдө. Анын үйүнөн салмагы 2 килограмм 633 граммды түзгөн гашиш табылган.
