Баткенден аткезчилик жол менен асыл тукум малды алып чыгып бараткан жаран кармалды. Бул тууралуу ИИМден билдиришти. Баткен РИИБдин Кара-Бак айылдык милиция бөлүмүнүн кызматкерлеринин ыкчам иликтөө иштеринин натыйжасында, чек ара кызматкерлери менен биргеликте Баткен районунун Кызыл-Бел айылынын 48 жаштагы тургунун 8-январь күнү түнкү саат 03:00 чамасында Кара-Бак айыл аймагына караштуу Кызыл-Бел айылындагы Ганжак участкасынан коңшу өлкөгө 5 баш асыл тукум ийри мүйүздүү малды айдап бара жаткан жеринен кармалган. Бул факты Баткен РИИБдин маалыматтардын электрондук журналына катталып, учурда текшерүү иштери жүрүп жатат. [gallery link="file" columns="1" size="full" jnewsslider="true" ids="222336,222337,222338"]