Баткендеги базарда өрт чыгып, 16 жаштагы өспүрүм каза болду (видео)
Баткен облусунун Раззаков шаарында жайгашкан "Мадамин" базарынан өрт чыкты. Бул тууралуу ӨКМден билдиришти.
Өрттү өчүрүүгө саат 11:24тө Лейлек райондук №74 ӨКБдан 1 бөлүм тартылган. Өрт саат 11:55те чектөөгө алынган. Өрттүн кесепетинен жабыркаган 16 жаштагы өспүрүм Тез жардам кызматына өткөрүлүп берилип, ооруканада каза болгон. Өрттүн аянты 42 чарчы метр түздү, өрттүн чыгуу себеби такталууда.
