"Бакиевдер түбүмө жеткен эмес". Бишкекте айдоочуну сөгүп, унаанын айнегин сындырган шектүү кармалды
Кечээ, 23-июнь күнү социалдык тармактарда жаран коомдук тартипти одоно бузуп, сөгүнүп, унаанын айнегин таш менен талкалап салган видео тараган.
Бул факты боюнча Тергөө кызматы тарабынан Кылмыш-жаза кодексинин 280-беренеси (бейбаштык) менен кылмыш иши козголгон.
Жүргүзүлгөн ыкчам-тергөө иш-чараларынын жыйынтыгында, милиция кызматкерлери тарабынан Жалал-Абад облусунун аймагынан 1982-жылы туулган шектүү аныкталып, кармалган. Учуруда, тергөө иштери улантылууда.
