Алайда кар көчкү алдында калган өспүрүмдүн сөөгү бир жумадан бери табыла элек
Алайда кар көчкү алдында калган өспүрүмдү издөө иштери бүгүн, 9-апрелде да улантылат. Бул тууралуу Өзгөчө кырдаалдар министрлигинин басма сөз кызматынан билдиришти.
Эске салсак, 2-апрелде болжол менен саат 13:30 чамасында Ош облусунун Алай районундагы Терек айылында тоодон кар көчкү түшкөн. Ошол учурда 2007-жылы туулган бала мал карап жүрүп дайынсыз жоголгон. 4-апрелде жерине издөө иш-чараларын жүргүзүү үчүн ӨКМден 30 куткаруучу, ИИМден 10 кызматкер, мындан сырткары жергиликтүү тургундар тартылган. Ал күнү да табылган эмес.
"7-апрель күнү издөө иш-чараларын жүргүзүү үчүн ӨКМдин Алай районунун бөлүм башчысы, ИИМден 2 кызматкер, жергиликтүү тургундардан 60 адам тартылып, саат 17:55те издөө иштери убактылуу токтотулган, натыйжа болго эмес. 9-апрель күнү издөө иштери улантылат",- деп айтылат маалыматта.
