Активист Тилекмат Кудайбергеновдун баш коргоо чарасы 2 сааттан кийин каралат
Бүгүн, 17-мартта Бишкектин Свердлов райондук сотунда жарандык активист Тилекмат Кудайбергеновдун баш коргоо чарасы каралды. Анда активисттин адвокаты иш менен таанышууга соттон 2 саат убакыт сураган. Соттун чечими менен баш коргоо чарасы 2 сааттан кийин каралат.
Белгилей кетсек, 15-мартта Бишкекте милиция кызматкерлери жарандык активист Тилекмат Кудайбергеновду кармап кетишкен. Ал Фейсбукта Тилекмат Куренов деп катталган. 9-март күнү Кудайбергенов тарапташтары менен Ак үйдүн жанында жаңы Конституцияга каршы нааразычылык акциясын уюштуруп, президент Садыр Жапаровду, Жогорку Кеңештин спикерин жана депутаттарды бийликти узурпациялоо үчүн сотко берүүгө даяр экенин билдирген.
