Аксы районунда көпүрөдө аты үркүп сууга түшүп кеткен баланын сөөгү табылды. Бул тууралуу ӨКМден билдиришти. Маалыматка ылайык, ушул жылдын 24-май күнү 2010-жылы туулган бала Кара-Суу айыл аймагындагы Түндүк жайлоосуна мал айдап бара жатканда көпүрөдөн аты үркүп, сууга түшүп кеткен. Ошол күндөн бери издөө иштери жүргүзүлүп, бирок табылбай келген. Кечээ, 22-июнь күнү издөө иштердин натыйжасында саат 18:00 чамасында куткаруучулар тарабынан Желе-Терек тилкесиндеги сууга түшкөн жерден болжол менен 4-5 чакырым төмөн жактан баланын жансыз денеси табылып, суудан чыгарылып, туугандарына өткөрүп берилди. [gallery link="file" columns="1" size="full" jnewsslider="true" ids="58368,58369"]