Вашингтондогу кыргыздар Тажикстандын президентине каршы демонстрация өткөрүштү
Кечээ, 6-майда Вашингтондогу мекендештерибиз Тажикстандын элчилигинин алдында Тажик президентине каршы митинг өткөрүштү. Бул тууралуу мекендешибиз Сейитбек Усманов менен байланышканыбызда билдирди.
"6-май күнү биз Тажикстандын АКШдагы элчилигинде Эмомали Рахмондун аскерлери тарабынан 28-апрелде 10 кыргыз айылына кол салуусуна каршы демонстрация өткөрдүк. Бул 2 күндүк согуш 30 миң кыргыздын көчүп кетишине алып келип, 33 карапайым адамдын өмүрүн алып кетти. Ошондой эле, 146 үй талкаланып, 2 мектеп өрттөнүп кеткен. Эми үй-бүлөлөр кайда жашашат? Эми алардын балдары кайда сабак өтүшөт? Бул пландаштырылган аскердик басып алууга кыргыз жарандарына каршы миномет, чабуулчу тик учактар жана БТР тартылган. Рахмондун аскерлеринин ырайымсыз, адамгерчиликсиз иш-аракети болду. Рахмон - диктатор жана адам укуктарын одоно бузуучу. Ал санкцияланган адамдардын тизмесине кошулууга татыктуу!" - деди ал.
[video width="480" height="480" mp4="https://serep.kg/wp-content/uploads/2021/05/839722803_181630274_1006307249905291_3716073719797384821_n.mp4"][/video]
