УКМК Бишкек шаарындагы курулуш компаниялардын жетекчилери менен профилактикалык сүйлөшүү өткөрдү. Бул тууралуу УКМКдан билдиришти. "Бүгүнкү күндө өлкө боюнча курулуш иштери өсүп – социалдык чөйрөдө, өнөр жай жана энергетика тармактарында объекттер курулуп жатат. Бирок акыркы 3 жылда курулуш иштеринин жүрүшүндө кырсыктардын көбөйүшү байкалууда: 2022-жылы курулуш аянтчаларында бийиктиктен кулоо боюнча 11 факты катталса, 2023-жылы 73, 2024-жылы 172, 2025-жылдын 3 айында 30дан ашык факты катталган",- деп айтылат маалыматта. Мындай тенденцияда коопсуздук талаптарын сактоо өтө актуалдуу жана төмөнкү себептерден улам алардын сакталышын камсыз кылуу өтө маанилүү: 1. Өмүрдү жана ден-соолукту сактоо: курулуш учурунда эң кооптуу- бийиктиктен кулап түшүү, токко урунуу жана шаймандардын жаракат алуу. 2. Экономикалык жоготууларды азайтуу: коопсуздук талаптарын бузуу, жумуштун токтоп калуусуна, айып пулга, жабыр тарткандардын ордун толтурууга жана аброюна зыян келтирет. 3. Өндүрүмдүүлүктү жогорулатуу: коопсуз чөйрө жумушчуларды шыктандырат, жаракаттан улам иштин токтоп калуусун азайтат жана иштин сапатын жакшыртат. 4. Юридикалык жоопкерчилик: талаптарды бузуу административдик же кылмыш кесепеттерине алып келет. 5. Экологиялык жана коомдук коопсуздук: материалдарды же техниканы туура эмес колдонуу айлана-чөйрөгө же жашоочуларга зыян келтириши мүмкүн. Буга байланыштуу курулуш бизнесинин өкүлдөрүнө эмгек коопсуздугунун шарттарын сапаттуу түзүү жана курулуш иштерин жүргүзүүдө коопсуздук талаптарын  сактоону камсыз кылуу жөнүндө маалыматтар жеткирилди. [gallery link="file" columns="1" size="full" jnewsslider="true" ids="285159,285160,285161,285162,285163,285164"]