“Сосновка” постунда оор жүк ташуучу унаалардын бардык түрүнө чектөө киргизилди
Жайыл районунун “Сосновка” постунда оор жүк ташуучу унаалардын бардык түрүнө саат 18:00дөн тартып №9 Жол тейлөө ишканасынын сунушу боюнча убактылуу чектөө киргизилди. Бул тууралуу ӨКМден маалымдашты.
Бишкек-Ош унаа жолунда жол тайгак болуп жаткандыгына байланыштуу, кырсыктарды алдын алуу, жарандардын кырсыкка кабылуусуна жол бербөө жана жол тыгындарын болтурбоо максатында жабылды. Унаа жолдун абалы жакшырган учурда чектөө алынат.
