Бишкек шаардык сотунда депутаттар Асылбек Жээнбеков менен Төрөбай Зулпукаровдун бөгөт чарасы каралып жатат. Буга чейин соттук процесске эл өкүлдөрү алып келинбегени үчүн отурум бүгүнкү күнгө, 23-июнга жылдырылган. Шаардык соттун имаратынын алдында депутаттардын тарапташтары жана жакындары алардын бошотулушун талап кылып митинг өткөрүп жатышат. Кечээ, 22-июнда бир катар депутаттар Зулпукаровдун баш коргоо чарасын үй камагына алмаштырууну шаардык соттон суранышып, кепилдик беришкен болчу. Алар Төрөбай Зулпукаровду камакка алуу мыйзамсыз экенин билдиришкен. [gallery link="file" columns="1" size="large" jnewsslider="true" ids="58385,58382,58386,58384,58383"] Жээнбеков менен Зулпукаров УКМК тарабынан 31-майда кармалып, алардын «Кумтөр» боюнча коррупцияга шектелип жатканы маалымдалган. Ошол эле күнү Биринчи Май райондук соту алардын баш коргоо чарасын карап, 2 айга каммакка алган.