Шаардык кеңешке депутаттарды кайрадан шайлоодо мыйзамдарды бузуу боюнча 67 маалымат келип түшкөн
Шаардык кеңешке депутаттарды кайрадан шайлоодо мыйзамдарды бузуу боюнча 67 маалымат келип түшкөн. Бул боюнча ИИМдин басма сөз кызматынан билдиришти.
Маалымат боюнча, 38 номенклатуралык ишке чыгышталып, 16 маалымат каралып жатса, 2 маалымат бириктирилип, 6 маалымат аймактык шайлоо комиссиясына жөнөтүлгөн. “Кылмыштардын жана жоруктардын бирдиктүү реестрине Жазык кодексинин 192-беренеси (Добуштарды сатып алуу) боюнча 3 факты, Жоруктар жөнүндөгү кодексинин 119-беренеси (Майда бейбаштык) боюнча 2 факты катталып, учурда сотко чейинки өндүрүш жүрүүдө”, - деп билдиришет министрликтен.
