Мамлекеттик салык кызматы компанияларды алкоголдук жана тамеки продукцияларын санариптик идентификациялоо каражаттары менен маркалоо боюнча пилоттук (эксперименттик) долбоорго катышууга чакырат. Бул тууралуу Салык кызматынан билдиришти. Кыргызстандын аймагында 2020-жылдын 1-январынан баштап ишке киргизилген пилоттук долбоорго катышуу компанияларга өкмөттүн токтомуна ылайык өлкөнүн аймагында 2021-жылдын 1-июлунан тартып киргизилүүчү алкоголдук жана тамеки продукциясынын милдеттүү түрдө маркаланышына даярданууга мүмкүнчүлүк берет. Бүгүнкү күндө долбоордо 17 компания, анын ичинде тамеки продукцияларын жүгүртүүнүн 5 катышуучусу жана алкоголдук продукцияларды өндүрүү жана импорттоо чөйрөсүндө иш жүргүзгөн 12 субъект сунушталган. Товарларды маркалоо боюнча кошумча маалыматты «Текшер» системасынын https://main.teksher.kg сайтынан, ошондой эле Салык кызматынын маалымат борборунан акысыз 116 же 0 999 333 999 номерлери аркылуу алууга болот.