Салтанат Аширова: "Кыйынчылык менен дем алуудамын, коронавируска чалдыктым окшойт"
Ырчы Салтанат Аширова бир аптадан бери ооруп жатканын социалдык тармактагы баракчасына жазды.
“Бир аптадан бери ооруп жатам. Коронавирус болбосо экен дегеним менен дал ошол илдетке чалдыктым окшойт. Тест тапшырган жокмун. Бир аз өзүмө келген соң тапшырам. Кыйынчылык менен дем алып жатам. Баары ПЦР-тест тапшыр деп жатышат, бирок мен башкаларга жуктуруп алуудан корком. Анын үстүнө бир жакка барууга акыбалым жок. Айтор, үйдө дарыланып жатам”, - деп жазган ал.
