Нуркамал Асканова 1960-жылы Нарын облусунун Тянь-Шань районундагы 8-Март айылында туулган. Орто мектепти аяктагандан кийин Бишкек шаарындагы Б.Бейшеналиева атындагы искусство институтунан уюштуруучу-методист адистиги боюнча жогорку билимге ээ болгон. 1993-жылы Мамлекеттик телерадио компаниясына режиссердун ассистенти кызматына кабыл алынган. КТРКнын дээрлик бардык редакцияларында иштеп, бир канча долбоорлорду ийгиликтүү ишке ашырган: 2000-2006-жылдары — «Шок-Факт» көрсөтүүсүнүн алып баруучусу жана редактору; 2002-2008-жылдары — укуктук багыттагы көрсөтүүлөрдүн уюштуруучусу жана режиссеру; 2003-жылы Москвадагы телекөрсөтүү кызматкерлеринин билимин өркүндөтүү институтунан таалим алган; 2007-жылы дайынсыз жоголгон жарандарды издеп, иликтеген «Кайдасың?» көрсөтүүсүнүн редактору жана уюштуруучусу; 2013-2014-жылдары — Орусиянын аймагындагы кыргыз мигранттарынын турмушун чагылдырган «Кыйырдагы кыргыздар» көрсөтүүсүнүн редактору жана уюштуруучусу; Орусиянын «Биринчи каналындагы» «Жди Меня» программасы менен, 2017-жылдан бери Кытай Борбордук телекөрсөтүүсүнүн «Жди Меня» долбоору менен ийгиликтүү кызматташып келген. 2021-жылдын февраль айына чейин КТРКнын саясий-социалдык багытта иш жүргүзгөн «Маалымат» бөлүмүнүн баяндамачысы. 2021-жылдын 1-февралынан тарта президенттик аппараттын маалыматтык саясат бөлүмүнүн башчысы. Сыйлыктары: 2003-2014-жылдары -  НТРК, УТРК, КТРК Ардак Грамотасы; 2006-жылы ТВ отличниги; 2007-жылы «Жылдын мыкты долбоору»; 2010-жылы «Мыкты журналист»; 2015-жылы «Маданияттын мыкты кызматкери»; 2019-жылы Жогорку Кеңештин Ардак грамотасы; 2019-жылы өкмөттүн ардак грамотасы менен сыйланган.