2020-жылдын март айынан баштап балдар арасында COVID-19 менен ооруп, республиканын стационарларында дарыланып чыккан 2094 учур катталган. Бул тууралуу Улуттук эне жана баланы коргоо борборунун башкы дарыгери Айна Жетыбаева билдирди. Маалыматка караганда илдеттен 6 бала көз жумган. Статистика боюнча, жалпы катталгандардын ичинен стационарда дарылоодон өткөндөр: Бишкек шаары - 807 Ош шаары - 124 Чүй облусу – 351 Ош облусу – 342 Талас облусу - 20 Нарын облусу - 98 Ысык-Көл облусу – 145 Жалал-Абад облусу – 134 Баткен облусу – 73 Ооругандардын жаш-курагы боюнча: 1 жашка чейин – 311 (14,8%); 1 жаштан 4 жашка чейин – 624 (29,8%); 5 жаштан 15 жашка чейин – 759 (36,2%); 16-18 жаштагылар – 400 (19,2%). Жалпысынан, COVID 19 лаборатордук түрдө – 1082 (51,6%) тастыкталса, 1012 (48,4%) пневмония болгон.  Оордугуна жараша:  орточо оор абалда - 24,5%;  оор абалда - 16,5%:  өтө оор абалда - 1,7%. 37,5% бейтаптарда оорунун күчөп кетиши байкалган. Ал эми каза болгондордон 6 учур катталган.