Кыргызстанда бир сутка ичинде коронавируска каршы эмдөөдөн 2 миң 660 адам өттү. Алардын ичинен 1 миң 891ине экинчи доза сайылды. Маалымат боюнча жалпы 85 миң 241 адам эмдөөдөн өттү. Алардын ичинен 39 миң 159у вакцинанын экинчи дозасын алды. Аймактар боюнча алганда: - Бишкекте – 21 миң 44; - Ошто – 6 миң 545; - Чүй облусунда – 14 миң 144; - Ош облусу – 11 миң 766; - Ысык-Көл облусу – 8 миң 127; - Талас облусу – 3 миң 703; - Нарын облусу – 3 миң 974; - Жалал-Абад облусу – 11 миң 463; - Баткен облусу – 3 миң 731. 29-мартта Республикалык иммунопрофилактика борбору Кытай өлкөсү тарабынан берилген коронавируска каршы “Синофарм” вакцинасынын 150 миң дозасын алган. Ал эми 22-апрелде Орусиядан “Спутник V” вакцинасынын 40 миң доза алынып келген. Эмдөө 25-28 күн аралыкты камтуу менен эки ирет жүргүзүлөт. Бишкек шаарында коронавируска каршы вакцина берилүүчү жерлер: - Биринчи май районундагы №14, №16 үй-бүлөлүк медицина борбору; - Ленин районундагы №2, №17 үй-бүлөлүк медицина борбору; - Свердлов районундагы №4, №8, №9 үй-бүлөлүк медицина борбору; - Октябрь районундагы №15, №19 үй-бүлөлүк медицина борбору. Ошондой эле Калыс-Ордо, Учкун, Ак-Бата, Бакай-Ата, Ак-Босого конуштарындагы дарыгерлер амбулаторияларында эмдөө жүргүзүүлүүдө. Орусиядан келген “Спутник V” вакцинасынын экинчи дозасын саюу төмөнкү жерлерде жүрүүдө: - Октябрь райондук Үй-бүлөлүк бириккен дарыгерлер борбору; - Ленин районундагы №2 үй-бүлөлүк медицина борбору; - Биринчи май районундагы №7 үй-бүлөлүк медицина борбору; - Свердлов районундагы №8 үй-бүлөлүк медицина борбору. Мындан сырткары, 19-марттан тарта саат 15:00дөн 23:00гө чейин Бишкек шаардык студенттик бейтапканасында, №8, №14, №18 үй-бүлөлүк медицина борборунда кечки эмдөө жүрүүдө.