Октябрдан тарта Оштон Стамбулга түз каттам менен учууга болот
Эми Ош шаарынан Стамбулга түз каттам менен жетүүгө мүмкүн. Бул тууралуу "Манас" эл аралык аэропортунан билдиришти.
«Стамбул-Ош-Стамбул» маршруту боюнча жаңы туруктуу каттам 1-октябрынан тартып ишке кирмекчи. Жүргүнчүлөрдү ташууну "Pegasus" авиакомпаниясы жумасына 3 ирет - дүйшөмбү, шаршемби жана жума күндөрү жүргүзмөкчү. Учуу убактысы 5 саат 30 мүнөттү түзөт.
