Массалык уулануу. "Империя пиццы" тамактануучу жайынын бардык түйүндөрү убактылуу жабык
"Империя пиццы" тамактануучу жайынын бардык түйүндөрү убактылуу жабылды. Бул тууралуу журналисттерге Борбордук мамлекеттик санитардык-эпидемиологиялык кызматынын тамак-аш гигиенасы бөлүмүнүн башчысы Махамат Мурзашев билдирди.
«Бүгүн 17 түйүнүнүн баары массалык ууланууга байланыштуу эпидемиологиялык иликтөө иштеринин жүрүшүндө себеби такталмайынча убактылуу жабылды», - деди ал.
Бул жайдын роллдоруна ууланып, ооруканага кайрылгандардын саны 85 адамга жетти. Алардын арасында балдар да бар экени маалым болду.
