COVAX Глобалдык механизминин алкагында Кыргызстанга калкты эмдөө үчүн сарпталуучу материалдар келди. Бул тууралуу Саламаттыкты сактоо жана социалдык өнүктүрүү министрлигинин басма сөз кызматынан билдиришти. Маалыматка караганда, өлкөгө 423 миң шприц жана 3 миң 825 шприцтерди коопсуздандыруучу кутулар келген. Келген материалдарды андан ары таркатуу жана пайдалануу үчүн Саламаттыкты сактоо министрлигине өткөрүлүп берилген. Механизмдин алкагында Кыргызстанга май-июнь айларында коронавируска каршы 405 миң доза AstraZeneca вакцинасы келет. Учурда өлкөдө кытай вакцинасы менен эмдөө жүрүп жатат. [gallery link="file" columns="1" size="full" jnewsslider="true" ids="38803,38804,38805"]