Ыйык Орозо айында Кыргызстанда аз камсыз болгон үй-бүлөлөргө жардам акциясы өттү. Кайдыгер эмес адамдардын жардамы менен өлкө боюнча 2 700 000 сом чогулта алды. 780 “жакшылык куржуну” чогултулуп, жардамга муктаж көп балалуу жана толук эмес үй-бүлөлөргө тапшырылды.
Ар бир куржун – жамааттык катышуунун натыйжасы. Эки ай ичинде RG Brands компаниясынын тиешелүү азыктарын сатып алуу менен кыргызстандыктар муктаждар үчүн жылуулук жана камкордук жөнөтүп жатышты. Ар бир активдештирүүдөн 1 сом - автоматтык түрдө азык-түлүк себеттеринин түзүлүүсүнө кетип жатты. Piala Gold чайы, DaDa ширеси, AVA лимонады, A’SU суусу же Pepsi суусундугун тандоо менен ар бир сатып алуучу жакшы иштин бир бөлүгү боло алды. Бул сатып алуулар жалпы жакшылык үчүн салым болду.
Жардам Кыргызстан боюнча төмөндөгүдөй жөнөтүлдү:
- Ош облусуна 110 куржун чогултулуп, тапшырылды;
- Жалал-Абад облусуна 110 куржун чогултулуп, тапшырылды;
- Чүй облусуна 110 куржун чогултулуп, тапшырылды;
- Нарын облусуна 80 куржун чогултулуп, тапшырылды;
- Талас облусуна 80 куржун чогултулуп, тапшырылды;
- Баткен облусуна 80 куржун чогултулуп, тапшырылды;
- Ысык-Көл облусуна 80 куржун чогултулуп, тапшырылды;
- Бишкек шаарына 130 куржун чогултулуп, тапшырылды.
“Берилген жардам – жөн гана азык-түлүк эмес, турмуш кыйынчылыгына туш болгон адамдар үчүн чындап көңүл буруу, камкордук жана колдоонун белгиси экенин айткым келет. Биз бул акцияга катышкан ар бир адамга ыраазычылык билдиребиз. Биздин Коомдун атынан бул долбоорду ишке ашырууга көмөк көрсөткөндүгү үчүн RG BRANDS компаниясына чын дилибизден ыраазычылык айтабыз” - дейт Улуттук Кызыл Жарым Ай Коомунун Бишкек Шаардык Филиалынын жетекчиси
Екатерина Орехова.
Орозо айы – өзгөчө мээримдүүлүк жана жардам берүүнүн өзгөчө мезгили. Бул ай – жакындарга, жардамга муктаждарга, кыйынчылыкка дуушар болгон адамдарга жүрөктөрдүн жакшы иштерди жасоого ачылган убагы. Ошондуктан, жардам акциясы өзгөчө күчкө жана элдин колдоосуна ээ болду. Ал Орозонун рухунун улануусу, чын жүрөктөн кам көрүүнүн жана биримдиктин белгиси болуп калды.
Жардам алган адамдар үчүн бул “жардам куржундары” колдоо эле эмес, коомдо ар дайым жакшы ишке орун бар экенин эске сала турган белек болуп калды.
“Мен 3 баланы жалгыз тарбиялайм. Бул кайрымдуулук акциясынын уюштуруучуларына жана кыргызстандыктарга көрсөткөн жардамы үчүн ыраазычылык билдирем. Сиздердин боорукердигиңиздер жана көп балалуу үй-бүлөлөрдүн тагдырына кайдыгер эмес экениңиздер – биз үчүн чоң белек. Сиздерге жылуу мамиле жана колдоо үчүн чоң рахмат” , - дейт
Чолпон Бегалиева.
“Үй-бүлөмдүн атынан сиздерге жардам үчүн чоң рахмат айткым келет. Оор кырдаалда бизге кайдыгер карабай, колдогонуңуздар үчүн ыраазыбыз жана бактылуубуз. Чоң рахмат”, - дейт 3 баланын апасы, онкологиялык оорусу бар
Назгүл Ильязова.
Көмөккө муктаж үй-бүлөлөрдүн тизмеси Кыргыз Республикасынын Улуттук Кызыл Жарым Ай Коому тарабынан түзүлгөн. Алар: коомдун аярлуу катмарындагылар, көп балалуу жана толук эмес үй-бүлөлөр, оор турмуштук кырдаалга тушуккандар. Жардам чындап тиешелүү адамдарга жетүүсү - уюштуруучулар үчүн абдан маанилүү.
Деталдарга маани берүү - RG Brands компаниясынын жетекчилигинин баалуулуктарга туура мамиле кылуусун чагылдырат. RG Brands менен Кыргыз Республикасынын Улуттук Кызыл Жарым Ай Коому биргеликте ишке ашырган демилге миңдеген адамдарды күнүмдүк жөнөкөй аракеттер бир максатка бириктирерин далилдеп, башкалардын жашоосун бир аз да болсо жеңилдетсе болорун көрсөттү. Мындай акциялар биздин өлкөдө көбөйө берсин.
[gallery link="file" columns="1" size="full" jnewsslider="true" ids="282622,282623,282624,282625,282626"]
