Кыргызстандын аймагында жүргөн Тажикстандын жарандары кыргыз-тажик мамлекеттик чек арасындагы 5 көзөмөл-өткөрүү пунктунан өтсө болот. Бул маалыматты 27-майда Тышкы иштер министрлигинин басма сөз кызматынан билдиришти. Кыргызстандан чыга турган пункттар: – «Кулунду - унаа жолу»; – «Кайрагач - унаа жолу»; – «Кызыл-Бел - унаа жолу»; – «Бор-Дөбө - унаа жолу»; – «Карамык - унаа жолу». Буга чейин Кыргызстандын Министрлер кабинети Тажик жарандарын өлкө аймагына өткөрүүгө байланышкан убактылуу чектөөлөрдү киргизген болчу. Убактылуу чектөөлөр дипломатиялык өкүлчүлүктөрдүн, чет өлкөлүк жана эл аралык уюмдардын кызматкерлерине тиешелүү эмес.