Кыргызстанда Орозо айы 1-мартта башталат
2025-жылдагы Рамазан айы 1-мартта башталат. Бул тууралуу Муфтияттан билдиришти.
28-февралда өлкө аймагындагы бардык мечиттерде таравих намазы окулат. Орозо 30-мартта аяктап, 31-мартта Орозо айт белгиленет.
Рамазан айында ыймандуу мусулмандар күндүз тамактануудан, ичүүдөн, тамеки чегүүдөн жана жакындыктан баш тартышат. Айдын узактыгы ай календарына жараша болот жана 29 же 30 күн өзгөрүшү мүмкүн.
