Кыргызстанда 12-мартка карата COVID-19 илдетинен төрт адам каза тапты, дагы 63 адамдан илдет жаңы аныкталды. Бул тууралуу Республикалык штабдан билдиришти. Каза тапкан төрт адамдын бири Бишкек шаарынын, калгандары Чүй, Жалал-Абад, Ысык-Көл облусунун  тургундары болушкан. Оору жуктурган 63 жаңы учурдун эң көбү Бишкек шаарында катталган - борбордо 31 адамдан вирус табылды. Чүй облусунда 18, Ысык-Көл облусунда 6, Нарын облусунда 3, Жалал-Абад облусунда 2. Баткенде 2, Ош шаарында 1 адам илдетке кабылды. Бир сутка ичинде 48 адам айыгып, ооруканадан чыгарылды. Алар төмөнкү аймактардан:

• Бишкек – 18
• Ош шаары – 2
• Чүй облусу – 11
• Ош облусу – 6
• Нарын облусу – 4
• Ысык-Көл облусу – 5
• Жалал-Абад облусу – 2.

Учурда 312 адам стационарда дарыланууда, алардын ичинен:

•  3 адам (0,9%) - канааттандыраарлык абалда;
• 211 (67,6%) - орто оордукта;
• 78 (25%) - оор абалда;
• 20 (6,4%) - өтө оор абалда.

Дагы 260 бейтап үй шартында дарыланууда. Кыргызстанда коронавирус  биринчи жолу аныкталган 2020-жылдын март айынан бери бул илдетти 86 миң 755 адам жуктурду. Алардын ичинен 83 миң 766 адам айыгып чыкты. 1480 адам каза тапты.