"Курбусунукунда болгон". Дайынсыз болуп жаткан 13 жаштагы Мырзаайым Каниметова табылды
13 жаштагы Мырзаайым Каниметова табылды. Бул тууралуу Октябрь РИИБден билдиришти.
Маалыматка караганда, ал 14-ноябрь күнү саат 14:00дө Юнусалиев менен Ахунбаев көчөлөрүнүн кесилишиндеги үйүнөн чыгып кеткен бойдон кайтып барган эмес. Акыркы жолу саат 19:00дө байланышка чыккан, ошондон бери телефону өчүк болуп жаткан. Октябрь РИИБдин кызматкерлери тарабынан ал Шота Руставели көчөсүндөгү курбусунукунан табылган. Жакындарына өткөрүп берилди.
