Композиторлор союзунун мүчөсү Жумашбай Касымбеков көз жумду
СССРдин жана Кыргызстандын композиторлор союзунун мүчөсү Жумашбай Касымбеков каза болду.
Маданият министрлигинин басма сөз кызматы билдиргендей, ал 18-мартта оорудан улам көз жумган. Жумашбай Касымбеков 70 жашта болчу.
Ал 1951-жылы 12-апрелде Ысык-Көл облусунун Жети-Өгүз районундагы Ичке-Булуң айылында туулган. Фрунзедеги музыкалык-педагогикалык окуу жайын хор дирижеру адистиги боюнча аяктаган. Кыргыз музыкасынын өнүгүшүнө кошкон салымы жана жетишкендиктери үчүн «Абдраев атындагы сыйлыктын лауреаты» ордени менен сыйланган.
