"Көчөлөп жүргөндөн көрө, элге кызмат кылсын". Ташиев депутаттыкка талапкерлигин койгон уулун кубаттады
УКМКнын төрагасы Камчыбек Ташиев жергиликтүү шайлоого катышып жаткан уулу Тай-Мурас Ташиевге ийгилик каалады. Анын уулу "Ата Журт- Кыргызстан" партиясынын тизмеси боюнча Жалал-Абад шаардык кеңешке шайлоого катышып жатат.
Ал уулуна ийгиликти 30-мартта Ош облусунун Өзгөн районунун тургундары менен жолугушуу учурунда журналисттердин суроолоруна жооп берип жатып каалады.
«Балама ийгилик каалайм! Эгерде ал Жалал-Абад шаардык кеңешке депутат болуп, эл үчүн кызмат кылса, мен кубанам. "Көчөлөп жүргөндөн көрө, элге кызмат кылсын",- деди Ташиев.
