Жогорку Кеңеште милициядагы кыз-келиндерге жоолук салууга уруксат берүү сунушталды
Депутат Алтынбек Кылычбаев милиция кызматындагы кыз-келиндерге жоолук салынып, анын үстүнөн фуражка кийүүгө уруксат берүүнү сунуштады. Бул тууралуу ал бүгүн, 17-декабрда Жогорку Кеңеште «Дин тутуу эркиндиги жана диний бирикмелер жөнүндө» өтүп жаткан парламенттик угууда айтты.
"Конституциядагы дин тутуу эркиндигинде аялдар чач, моюндарын жаап жүрүүгө милдеттүү. Дин карманган аялдар деле көп, алардын арасында ишке бара албай калгандары болушу мүмкүн", - деди эл өкүлү. Депутаттын сунушуна Ички иштер министринин биринчи орун басары Адылбек Бийбосунов: "Ички иштер кызматы мамлекеттик атайын орган, Баш мыйзамда да жазылган, атайын кызматтарга чектөөлөр бар. Анын бири дресс кодду сактоо", - деп жооп берди.
