“Ак-Сай Трэвел” туристтик компаниясы Жеңиш чокусунда калып калган орусиялык альпинист Наталья Наговицына боюнча комментарий берди. "Борбордук Азияда Орусия, Италия, Германия жана Ирандын альпинисттеринин катышуусунда трагедиялуу окуялар катталды. Кыргызстандан жана чет өлкөдөн келген күчтөрдүн катышуусунда болуп көрбөгөндөй куткаруу операциясы дээрлик эки жумага созулду",- деп айтылат маалыматта. Окуянын хронологиясы:

• 12-августта Орусиянын жараны Наталья Наговицына 7200 метр бийиктикте бутун сындырып алган. Анын жанындагы Роман Мокринский биринчи жардам көрсөтүп, жардам чакыруу үчүн ылдыйга түшкөн.
• 13-14-августта жабыркаган аялга италиялык Лука Синигалья менен Германиядан келген Гюнтер Зигмунд чыккан. Алар ага уктоочу баштык, тамак-аш жана газ жеткирип беришкен. Бирок аба ырайына байланыштуу алардын жолу бөгөттөлүп калган.
• 15-августта Луканын абалы начарлап кеткен. Дарыгерлер анын мээси шишип кеткенин божомолдошкон. Кечинде лагерге жетпей каза болуп калган.
• 16-августта Коргоо министрлигинин Ми-8 учагы 4600 метр бийиктиктеги Дикий ашуусунда катуу конгон. Андагы адамдардын баары аман калган. 4 адам жаракат алып, Караколго жеткирилген.
• 19-21-августта учкучсуз учактар ​​Наговицынада аман экенин катташкан, бирок кар көчкү коркунучу куткаруучулар тобунун ага жакындашына тоскоол болгон.
• 23-августта аба ырайынын кескин начарлашынан жана куткаруу тобунун жетекчисинин ден соолугунун начардыгынан куткаруу операциясын токтотууга аргасыз болушкан.

Учурдагы абал: ● Наталья Наговицына 7200 метр бийиктикте жатат. Анын абалы тууралуу маалымат жок. Эвакуация аба ырайы турукташып, кесипкөй даярдыктан өткөн команда жана тик учак менен камсыз болгондо гана мүмкүн болот. Ак-Сай Трэвел компаниясы Натальянын үй-бүлөсүнө жана жакындарына терең кайгыруу менен көңүл айтты.  ● Каза болгон Лука Синигальянын жансыз денеси 6900 метр бийиктикте жатат. Эгер туугандары чечим чыгарса, анын жансыз денесин эмдиги жылы гана түшүрүүгө мүмкүн болот. ● Ирандык альпинисттер Pilehvari Maryam Abolhassan Mashhadiaghalou менен Hassan Seifollah 10-августтан бери байланышка чыгыша элек. Издөө учууларына жана куткаруу аракеттерине карабастан, алар табылган эмес. Ак-Сай туристтик компаниясы Иран элине жана дайынсыз жоголгон альпинисттердин жакындарына терең кайгыруу менен көңүл айтты. Аба ырайы турукташып, кесипкөй даярдыктан өткөн куткаруу тобу жана тик учак менен колдоо болсо, издөө иштери кийинки жылы улантылышы мүмкүн.  ● Роман Мокринский менен Гюнтер Зигмунд Караколго жеткирилген. Аларга медициналык жардам көрсөтүлүп жатат. Ми-8 тик учагынын куткаруучусу да дарыгердин көзөмөлүндө. ● 16-августта Хан-Теңири чокусунда каза болгон Орусиянын жараны Алексей Ермаковдун жансыз денеси Караколдогу өлүккканага жеткирилген. "Жеңиш чокусу дүйнөдөгү эң катаал чокулардын бири. Кар көчкү, температуранын кескин өзгөрүшү куткаруу операциясын өтө кооптуу кылат. Маалыматтарга караганда, 1955-жылдан бери бул тоодо 7000 метр бийиктиктен эч ким куткарыла элек", - деп айтылат маалыматта.  [gallery link="file" columns="1" size="full" jnewsslider="true" ids="292779,292780,292781,292782,292783,292784,292785,292786"]