Бүгүнтөн баштап Кыргыз өлкөсүнөн Орусияга туруктуу авиакаттамдар көбөйдү
Бишкек-Москва багыты боюнча туруктуу авиакаттамдар көбөйтүлдү. Бул тууралуу Орусиянын Кыргыз мамлекетиндеги элчилигинен кабарлашты.
Каттамдарды эки авиакомпания аптасына үч ирет жүргүзөт: "Аэрофлот" (шейшемби, жума, жекшемби) жана "АвиаТраффик" (шаршемби, жума, жекшемби).
Кыргыз жарандары, мындан сырткары, чартердик, анын ичинде башка багыттагы авиакаттамдар менен да учуп кете алышат. Бул үчүн бир катар негиздемелер керек. Алар:
- Орусияда жашаган жакын туугандары (өмүрлүк жары, ата-энеси, балдары, асырап алуучусу, асырап алынгандар), Орусия жарандарынан камкорчулары барлар;
- чет өлкөдө жашаган мекендештердин Орусияга ыктыярдуу түрдө көчүп келүүсүн илгерилетүү боюнча мамлекеттик программага катышуу;
- дарылануу үчүн баруу;
- Орусияда жашоого уруксат кагаз алуу;
- камкордукка муктаж оорулуу туугандарына (жубайына, ата-энелерге, балдарга, багып алуучу ата-энелер, асырап алынган балдар), камкорчуларга баруу үчүн Орусияга бир жолу кирүү;
- Орусияга жогорку квалификациялуу адис катары үй-бүлө мүчөлөрү (жубайлар, ата-энелер, балдар, багып алуучу ата-энелер, асырап алынган балдар) тарабынан ФСБга жана Орусиянын ИИМине жумуш берүүчү жиберген тизмелер боюнча;
- дипломатиялык же консулдук мекемелер аккредитацияланган же дайындалган кызматкерлер, ошондой эле алардын үй-бүлө мүчөлөрү.
