Бишкектеги эки оорукананын имараты Дүйнөлүк банктын эсебинен оңдолуп бүттү. Бул тууралуу мэриянын басма сөз кызматынан кабарлашты. Ооруканалардын ремонту "COVID-19 инфекциясына чукул даярдануу" долбоорунун алкагында ишке ашты. 2020-жылы коронавирус күчөп турган маалда бейтаптарды кабыл алган Улуттук госпиталдын имараты жаңыланды. Эне жана баланы коргоо улуттук борборунун реанимация, патология бөлүмдөрү оңдолду. Кыргызстанда коронавирус менен күрөшүү боюнча Республикалык штаб 19-февралда жыйын өткөрүп, ооруга чалдыккандарды дарылай турган 3500 керебет жана реанимациялык 500 орун даярдоо чечимин кабыл алган болчу.