Бишкектеги бассейнге чөгүп кеткен жигиттин апасы арыз жазды
Бишкектин Малдыбаев көчөсүндө жайгашкан бассейндердин бирине жаш жигит чөгүп каза болгондугун Октябрь РИИБден тастыкташкан.
Милицияга 22-октябрда саат 19:40та чакыруу түшкөн. Бул факты каттоого алынган. Милиция каза болгон жигиттин 20 жашта экенин тактаган. "Жигиттин апасы эч кимге доосу жок экенин айтып, арыз жазуудан баш тарткан",- дешкен милициядан.
Бүгүн, 29-октябрда Октябрь РИИБге кайрылганыбызда, каза болгон жарандын апасы 28-октябрда арыз менен кайрылганын билдиришти. "Соттук-медициналык экспертизанын жыйынтыгы менен акыркы юридикалык баа берилет", - деп айтылат маалыматта.
