Бишкекте 21 жаштагы кыз бир жылдан бери дайынсыз
Бишкек шаардык Ленин райондук милиция кызматкерлери тарабынан Калеева Калия Замирбековнанын жүргөн жерин аныктоо боюнча издөө иш-чаралары жүргүзүлүп жатат. Бул тууралуу райондук милициянын басма сөз кызматынан билдиришти.
Маалыматка ылайык, 2020-жылы 14-октябрда борбор шаардын жашоочусу арыз менен кайрылып, анын 2000-жылы туулган кызын издөөгө жардам берүүнү өтүнгөн. Ал 2020-жылы 19-сентябрда “Ала-Тоо” конушундагы үчүнөн чыгып кеткен бойдон кайрылып келген эмес. Азыркы учурда жоголгон кыздын жүргөн жери белгисиз.
Белгилери: бою болжол менен 173-175 сантиметр, чачы кара, көзү күрөң, мурду түз.
“Эгер сиздер жоголгон кыз тууралуу кандайдыр бир маалымат билсеңиздер төмөнкү номерлер аркылуу кабарлап коюуну суранабыз: 0 (312) 352-605, 0 (312) 444- 457, 0 (312) 352-632, 0 (553) 102-465, 0 (703) 401-600,0 (705) 450-553, 0 (553) 102-880) жана 102”, - деп айтылат маалыматта.
