Бишкек-Москва багыты боюнча эки рейс кармалып жатканы маалымдалды
Бишкек-Москва багыты боюнча эки рейс кармалып жатканын "Кыргызстан аэропорттору" ААКсынан кабарлашты.
Буга "Домодедово" аэропортунун убактылуу жабылганы себеп болгон. 130 жүргүнчү "Манас" аэропортунда күтүп отурушат, аларга тамак-аш берилери айтылды.
Мэр Сергей Собянин түндө Москвага дрондор менен чабуул жасалганын, анын 11и жок кылынганын билдирген.
Ал арада социалдык тармактарда Орусиянын аэропортунда тартылган видеолор жарыяланып жатат.
