Баткенде Жаңы жыл шаардык балатысыз белгиленет
Баткенге шаардык балаты орнотпоо чечими кабыл алынды. Бул тууралуу шаардын мэри Имамназар Бурканов билдирди.
"Жаңы жылдык майрамдар болот. Шаарга балаты орнотпойлу деп чечтик. 2 жылдан бери пандемия жүрүп жатат, бул оорудан арыла баштадык. Ошондуктан балатыны жасалгалоону эмдиги жылкыга калтырдык. Жаңы жылдык балаты үчүн каралган каражат жакыр үй-бүлөлөрдүн балдарына белек сатып алууга жумшалат», - деди мэр.
Анын айтымында, балаты орнотуп, жасалгалоого 100 миң сомго жакын каражат жумшалат. "Бир нече күнгө 100 миң сом коротуу боюнча оюңар кандай?" - деди ал. Ал кошумчалагандай, бул идеяны жергиликтүү кеңештин төрагасы колдогон.
