Башкы прокурор жаш кезинде административдик жоопкерчиликке тартылганын айтты
Башкы прокурор Максат Асаналиев жаш кезинде административдик жоопкерчиликке тартылганын айтты.
Парламенттин 16-апрелдеги жыйынында депутат Дастан Бекешев “Сиз административдик же кылмыш жоопкерчилигине тартылдыңыз беле?",- деген суроо берди.
«Кылмыш жоопкерчилигине тартылган эмесмин», - деп жооп берди Асаналиев.
"Административдик жоопкерчиликчи?" — деп сурады депутат.
«Жаш кезимде айдоочулук күбөлүк жок унаа айдап, айып төлөгөм», - деп жооп берди Башкы прокурор.
