Акыйкатчы институтунун кызматкерлери Степное айылындагы аялдар колониясында болушту. Бул тууралуу аталган институттан билдиришти.

Бардык соттолгондор жалпы текшерүүдөн өткөрүлүп, экспресс-тест 22 соттолгон аялда COVID-19 боюнча оң натыйжаларды көрсөткөн. Алардын бешөөндө ПТР-тест оң натыйжа берген.

Вирустук инфекциянын жайылышын алдын алуу максатында мекеменин администрациясы соттолгон 22 кишинин бардыгын изоляцияга алган. Ошол эле учурда, ПЦРдин текшерүүсү ырастаган беш соттолгон жаранды башкалардан өзүнчө жайгаштырган. Бейтаптардын абалы канааттандырарлык, аларга дарылоо протоколуна ылайык дары-дармектер жазылат.

Ошол эле учурда мекеме белгиленгендей, абактын начар жабдылышын эске алып, ошондой эле жуккан адамдарды өз убагында аныктоо жана вирустук инфекциянын жайылышын алдын алуу максатында, сунуш кат жөнөтүлдү.

• медициналык коопсуздук чараларын күчөтүү;
• эркиндигинен ажыратуу жайларында медициналык персонал жана дары-дармектер менен камсыз кылуу;
• жабык мекемелерде коронавирус инфекциясын алдын-алууда жана дарылоодо ар тараптуу жардам көрсөтүү;
• Саламаттыкты сактоо жана социалдык өнүгүү министрлигинин Жазаларды аткаруу мамлекеттик кызматы менен натыйжалуу жана жакшы макулдашылган өз ара аракеттенүүсүн күчөтүү.