Аламүдүндөгү заводдо үч киши көз жумду
Аламүдүндөгү Кара-Жыгач айылында үч киши бетон заводдо каза болду. Бул тууралуу Чүй облустук милициясынан билдиришти.
Маалыматка караганда, кырсык кечээ 22-сентябрда болгон. Анда бетон аралаштырган мунара кулап, алдындагы имаратты басып, ичиндеги үч киши көз жумган. Каза болгондордун бири чет өлкөнүн жараны экени айтылды.
"Тоо-кен, курулуш же башка жумуштарда коопсуздук эрежелерин бузуу" беренеси боюнча кылмыш иши козголуп, үч киши шектүү катары убактылуу кармоочу жайга киргизилди.
