Акыркы суткада өлкөдө 67 адамдан коронавирус аныкталса, 2 бейтап көз жумду
15-мартка карата коронавирус жуктурган 67 адам катталды. Бул тууралуу коронавируска каршы күрөшүү боюнча республикалык штабдан билдиришти.
Анын ичинде Бишкек шаарында – 43, Ош шаарында — 3, Чүй облусунда – 16, Ысык-Көлдө — 4, Жалал-Абадда — 1 бейтап бар.
Соңку сутканын ичинде 2 адам илдеттен каза болду. Адам өлүмү Бишкек шаарында катталды.
2020-жылдын март айынан бери өлкөдө 86 миң 917 кишиден вирус аныкталып, 1 миң 483 адам өмүрү менен кош айтышты.
