Акыркы сутка ичинде өлкө боюнча 647 адамдан коронавирус аныкталды. Бул көрсөткүч жыл ичиндеги эң жогорку болуп саналат. Бул тууралуу Саламаттыкты сактоо министрлигинен кабарлашты. Аймактарга алып карасак, Бишкекте —  368, Ошто — 97, Чүйдө — 130, Ош облусунда — 96, Таласта —11, Нарында — 2, Ысык-Көлдө — 20, Жалал-Абадда — 38, Баткенде — 25 кишиден илдет аныкталды. Ошентип, өткөн жылдын март айынан бери коронавирус катталгандардын саны 112 миң 777 адамга жетти. Соңку суткада 4 киши оорудан каза болду. Каза болгондордун баары Бишкек шаарында катталды. Өткөн жылдын март айынан бери өлкөдө аталган илдеттен көз жумгандардын саны 1 миң 916 адамды түздү.