Акыркы сутка ичинде өлкө боюнча 647 адамдан коронавирус аныкталды. Бул көрсөткүч жыл ичиндеги эң жогорку болуп саналат. Бул тууралуу Саламаттыкты сактоо министрлигинен кабарлашты. Аймактарга алып карасак, Бишкекте —  257, Ошто — 118, Чүйдө — 73, Ош облусунда — 120, Таласта — 6, Нарында — 9, Ысык-Көлдө — 15, Жалал-Абадда — 26, Баткенде — 23 кишиден илдет аныкталды. Ошентип, өткөн жылдын март айынан бери коронавирус катталгандардын саны 111 миң 990 адамга жетти. Соңку суткада 7 киши оорудан каза болду. Бишкекте эки, Жалал-Абадда эки, Ош шаарында бир, Ош облусунда бир, Чүй облусунда бир адам өлүмү катталды. Өткөн жылдын март айынан бери өлкөдө аталган илдеттен көз жумгандардын саны 1 миң 912 адамды түздү.