Акыркы суткада 200 адамдан коронавирус аныкталып, 6 киши каза болду. Статистика
Акыркы сутка ичинде 200 адамдан коронавирус аныкталды. Бул тууралуу Саламаттыкты сактоо министрлигинен билдиришти.
Бишкекте — 124, Ошто — 1, Чүйдө — 37, Ош облусунда — 7, Нарында — 5, Ысык-Көлдө — 15, Жалал-Абадда — 6, Таласта — 5 киши илдетти жуктуруп алды деп катталды. 2020-жылдын март айынан бери коронавирус аныкталгандардын жалпы саны 99 миң 845ке жетти.
Оорудан 6 киши каза болду. Бишкекте төрт, Чүйдө бир, Ысык-Көлдө бир өлүм катталды. 2020-жылдын март айынан бери илдеттен каза болгондордун саны 1 миң 687ге жетти.
