Бишкекте 74 жаштагы пенсионер Досумбай Дүйшалиев Өкмөт үйүнүн алдына митингге чыкты. Карыя Ысык-Көл районунун Өрнөк айылында жашайт жана Ынтымак айыл чарба холдингинин жоюу комиссиясынын экс-төрагасы. Ал жаңы ачылган жагдайлардын негизинде ага карата козголгон кылмыш ишин кароону талап кылат. Пенсионер бул иш акырына чейин чыкмайынча Өкмөт үйүнөн кетпээрин билдирип, жанына кол чатыр жана матрац көтөрүп келген. Ал июнь айынын ортосунда административдик имараттын жанында мөөнөтсүз ачкачылык жарыялаган, бирок андан кийин милиция кызматкерлери аны менен сылык-сыпаа түшүндүрмө сүйлөшүүсүнөн кийин нааразы болгон улгайган жаран үйүнө кеткен эле. [gallery link="file" columns="1" size="full" jnewsslider="true" ids="61796,61797"]