Эртең, 7-апрелде түнкүсүн Ысык-Көл жана Нарын облустарынын кээ бир райондорунда жаан жаап, карга айланат. Тоолуу райондордо кар жаайт. Күндүз Чүй, Ош, Жалал-Абад, Баткен, Ысык-Көл, Нарын облустарынын кээ бир райондорунда жаан жаап, тоолуу райондордо кар жаайт. Талас облусунда жаан-чачын күтүлбөйт. Абанын температурасы: Чүй облусунда түнкүсүн +2…+7, күндүз +15…+20; Талас облусунда түнкүсүн 0…+5, күндүз +14…+19; Баткен облусунда түнкүсүн +4…+9, күндүз +16…+21; Ош, Жалал-Абад облустарында түнкүсүн +4…+9, күндүз +16…+21; Ысык-Көл облусунда түнкүсүн -1…+4, күндүз +5…+10; Нарын облусунда түнкүсүн -4…+1, күндүз +6…+11; Бишкек шаарында абанын температурасы түнкүсүн +4…+6 градус, күндүз +17…+19 градус болот.