"2024-жылы Зардалыга жарык берилди". Энергетика министри Таалайбек Ибраев жыл жыйынтыгын чыгарды
Энергетика министрлигинин 2024-жылы аткарган иштери, жетишкендиктери тууралуу министр Таалайбек Ибраев маалымат берди.
"2025-жылы - эң чоң проектибиз Камбар-Ата 1 ГЭСин куруу ишке аша баштайт. Ушул жылы ага даярдыктар көрүлдү. Көпүрө, туннель, жол салынды жана электр энергиясы менен камсыз кылынды", - деди министр.
Ал эми быйылкы жылы Токтогул ГЭСинин 3-агрегатын жана Үч-Коргон ГЭСинин 1-агрегатын ишке киргизилгенин айткан министр Орто-Токой, Папан, Бала-Саруу чакан ГЭСтери ишке берилгенин белгиледи. Андан сырткары ал CASA-1000 долбоору боюнча курулуш аяктаганын кошумчалады.
"Быйыл эки көмүр кени иштетүүгө киргизилди, 4 айыл газдаштырылды, мунайды кайра иштетүүчү завод 95%га бүтүп калды. Дагы бир жетишкендигибиз Баткендеги алыскы Зардалы айылына электр берилгени болду", - деди энергетика министри.
Маалыматка ылайык, министрлик 134 атайын техника алып, 9 административдик имарат курган.
