Ырчы Марс "шаардык кызын" тапты, жакында той
“Шаардык кыз Аида” деп ырдаган ырчы Марс сүйүктүүсүнүн колун сурады. Мындай кубанычтуу кабардын ээсин куттуктап, байланышып, мындай жооп алдык.
“Сүйүктүүмдүн колун 8-мартта сурагам, эми ачыкка чыгып жатат. Аты Мээрим. 1994-жылы Бишкекте туулган. Экөөбүз мамиле курганыбызга 1 жылдай болуп калды, былтыр карантин учурунда таанышканбыз. Алдыда агам сүйлөшкөн кызымдын ата-энеси менен таанышат. Орозодон кийин баш кошолу деп турабыз”, - дейт кубанычын жашырбаган Марс мырза.
